Alderdi Ederren kokatutako Skoda Gunean

Skoda Guneak bederatzi kontzertu eskainiko ditu dohainik Heineken Jazzaldian

Dennis Alcapone eta Dawn Penn-ek Trojan Sounds System-ekin batera emango dute kontzertua bertan

deia.eus - Miércoles, 6 de Junio de 2018 - Actualizado a las 13:12h.

BILBO. Donostiako 53. Heineken Jazzaldiak bederatzi kontzertu eskainiko ditu Alderdi Ederren kokatutako Skoda Gunean, hau da, kontzertu gehiago bat emango da agertoki horretan, iazko programazioarekin alderatuta. Horrela, aurrera egingo du Skodaren –Heineken Jazzaldiko ibilgailu ofiziala– eta Jazzaldiaren arteko lankidetza emankorrak.

Doako sarrera izango duten kontzertu horietan artista nabarmenak igoko dira oholtzara, hala bertakoak (Víctor de Diego, Old School Funky Family, Sara Mansilla, Voltaia, The Disappointments, Albericola) nola nazioartekoak (Dick Oatts, Julian Lage, Derek Brown, Trojan Sound System), guztiak ere “Jazzetik Soulera” lemapean.

Bereziki aipagarria da Dennis Alcapone eta Dawn Penn-ek Trojan Sounds System-ekin batera emango duten kontzertua: jamaikar kantagintzako arrakasta historikoen errepasoa egingo dute eta kontuan izan agertoki honetan soilik gozatu ahalko dela ikuskizun horretaz. Gauza bera esan daiteke Old School Funky Family, ikus-entzuleak dantzan jartzen dituen Iparraldeko talde jostagarriari buruz.

Jazzak ordezkapen bikaina izango du Dick Oatts &Víctor de Diego Quintet, Julian Lage Trio, The Disappointments eta Albericola taldeekin, azken hori bere kubatar ukituarekin.

Derek Brown da aintzat hartu beharreko beste izen bat, saxoa jotzeko duen modu bitxiagatik, zeinari Beatbox Sax deitu baitio Brownek berak.

Euskal talentu gazteak ere bi ordezkari on izango ditu, Sara Mansilla eta Voltaia.

Programazio osoa

Uztailak 25

19:30. Old School Funky Family

22:00. Dick Oatts &Víctor de Diego Quintet

Uztailak 26

19:30. Derek Brown: Beatbox Sax

22:00. Julian Lage Trio

Uztailak 27

19:30-23:30. Trojan Sound System ft. Dennis Alcapone &Dawn Penn

Uztailak 28

19:30. The Disappointments

22:00. Albericola

Uztailak 29

18:30. Voltaia

21:00. Sara Mansilla