Mundualdatu programaren barruan

BBK-k 350.000 euro bideratu ditu esklerosi anizkoitzaren kausara

Una persona realiza diversas pruebas en un laboratorio. (Deia)

Detekzio goiztiarra hobetzeko software mediko batera zuzendu du dirua

BBK-k 350.000 euro bideratu ditu FractalMed esklerosi anizkoitzaren detekzio goiztiarra hobetu nahi duen software medikoan parte hartzeko. FractalMed enpresa apustu berri bat da, eta Mundualdatu negozio ideia berriak azeleratzeko programaren bidez jasoko du BBKren laguntza.

EUROPA PRESS - Martes, 17 de Julio de 2018 - Actualizado a las 16:15h.

BILBO. Mundualdatu programaren helburua Bizkaian negozio eredu berriak eta ekintzailetza ekimenak gauzatzen laguntzea da, baita sortu berri diren enpresak finkatzea ere. FractalMed-ez gain, Bizkaian beste enpresa ekimen batzuek ere jaso dute BBKren diru laguntza azken urtean, adibidez Aquadat, Kasitoko, Fit4bike eta Insulae-k.

Orain, programa honen bidez, BBK-k 350.000 euro erabili ditu guztira FractalMed software medikoaren enpresa apustua finantzatzeko. Zehazki, garuneko erresonantzia magnetikoko irudiak aztertzeko sistema bat da, eta dimentsio fraktalaren bidez, esklerosi anizkoitzari loturiko aldaketa morfologikoak kuantifikatzea ahalbidetzen du.

BBK-k 175.000 euro emango ditu kapitalean egindako inbertsio bidez, eta gainerako 175.000 euroak mailegu parte hartzailearekin. Lehenurrats hauetan bideragarritasun ekonomikoa bermatu nahi da, baita enplegua sortzea edo proiektuak sor dezakeen gizarte ekarpena ere. BBK-kenpresako akzioen %16 bereganatu du.

Gaur egun FractalMed arautze aurreko nazioarteko baliozkotze multizentrikoaren lehen fasean dago, nazioarteko zientzia panel batek bermatuta. "Onartzen bada, software honek esku hartze goiztiarra ahalbidetuko du, baita zehaztasun handiagoz hornitzea ezgaitasunarekin erlazionaturiko eskalak, sendabidea hobetzea, agerraldi kopurua urritzea, bizi kalitatea areagotzea eta esklerosi anizkoitzari loturiko osasun kostuen murrizketa esanguratsua ere", azaldu dute BBKtik.

MUNDUALDATU

Mundualdatu programaren web plataformak zabalik jarraitzen du interesdunek erregistratu eta beren enpresa-proiektua aurkeztu ahal izateko (www.mundualdatu.org). Webgunean programaren xehetasun guztiak eskaintzen dira eta ekimenean parte hartzeko bide bakarra da. Mundualdatu BBKren Plan Estrategikoan kokatzen da. Planaren lehentasunezko ardatzak gaikuntza eta enpleguaren sustapena dira. Helburu horiek bat datoz BBK-k ezarritakoekin, eta eragile ekonomikoei eta enpresa ekinbide berriei laguntzearen alde egiten dute.

Secciones