Jarduera azaroan egingo da

Inizia Arabacampusek hamar ikasle hautatuko ditu CERNen tailer batean parte hartzeko

Inizia Arabacampusek hamar ikasle hautatuko ditu CERNen tailer batean parte hartzeko. (ehu)

UPV/EHUko eta Tampereko (Finlandia) unibertsitateko ikasleek ikerketa-zentro ospetsua bisitatuko dute

Universidad del País Vasco/Euskal Herriko Unibertsitateko Arabako campuseko hamar ikaslek CERNeko fisiko eta ikerlariek garatutako azken teknologiak ezagutzeko aukera izango dute. CERN munduko ikerketa zientifikoaren alorreko zentro handien eta onenetarikoa da.

DEIA - Jueves, 2 de Agosto de 2018 - Actualizado a las 17:08h.

BILBO. Jarduera datorren azaroan egingo da, eta funtsezko ikerketak pertsonen bizitzan duen eragina erakusteko asmoa duen proiektu pilotu baten barruan kokatuta dago.CERNen IdeaSquare instalazioak darama aurrera programa, CBI@Basque Country University Araba Campus izenekoa. Instalazio horrek gizartearen eta komunitate zientifikoaren arteko sinergiak sustatzea du helburu.

Bi asteko iraupena izango du ekintzak, eta bertan ikasleek proiektu bat garatuko dute teknologia etorkizuneko prototipoetan aplikatzeko, Nazio Batuen GJHak (Garapen Jasangarrirako Helburuak) kontuan izanik. Helburu horiek, besteak beste, honako gai hauek jorratzen dituzte: pobrezia, osasuna, hezkuntza, klima-aldaketa eta saneamendua.

BIC Arabak, Arabako enpresa eta berrikuntzaren zentroak, hautatuko ditu partehartzaileak, UPV/EHU eta Ineustar-rekin (Zientziaren Industriaren Espainiar Elkartea) batera.

Toki bat lortzeko, doktoregai edo graduko edo masterreko azken urteko ikaslea izan behar da, eta ahal izanez gero ingeniaritza, diseinu, EAZ, zientzia edo ekonomia ikaslea. Horrez gain, ingeleseko C1 maila eskatzen da. Eskaerak bidaltzeko epea irailaren 18an amaituko da.

Hamar ikasle hautatuak CERNen Genevako (Suitza) instalazioetara joango dira azaroaren 11tik 23ra bitartean. Jardueran, Tampereko (Finlandia) unibertsitateko ikasleek ere hartuko dute parte.

Inizia Arabacampus UPV/EHUk eta BIC Arabak sustatzen duten programa bat da, eta Arabako unibertsitate-eremuan ekintzailetza bultzatzeko eta babesteko xedea du.

Secciones